egal ob am körper oder ufem grinn - ötschis macht immer sinn!
Empfohlene Produkte
wär mir sin und was mir machen
Sarah & Nadine
Mir sin zwei Wartauerinna, wo usera Schnapsidee a Modemarka gründet hen. Üsers Ziel isches Produkt z schaffa, wo in möglichst vielna Lebenssituationa treit werda chun... segs bim chlettera, bim wandera, im Usgang oder dahei - so ganz nachem Motto: afach ötschis zum alegga!
"ötschis" isch a Kultwort, wo in üserem Dialekt ötschamol verwendet wird. Mir wenn so Moda mit de wartauer Kultur verbinda und da Lüt a Stückli Schwiz und natürli a Schmunzla in Kleiderchasta bringa.
Natur und Bewegig stoht ganz wit joba uf dr Lista vu Sacha wo mir gern machen. Drum treit jedes Produkt en Name vumna Berg wo miar scho zema bestiega hen.
ötschis und dia wiiber hani schu narrä gärä - und säb de ni erst sit färä
was für a tolli chappa - die ischs wert jede rappa!
jetzt hocki dihei statt i mim pischii - i mim neua ötschis-tischii
üsari lidaschaft
Bergliabhaber, Naturfreaks, Sportbegeisterti.... und natürli Biergnüsser!
Üsari Lidaschaft spieglet sich usserhalb vur Komfortzona wider. Mir liaben de Adrenalinschub, wema bim wandera z oberst ufam Gipfel achunt oder bim Turna churz vorem Uftritt stoht. Genau us somna Adrenalinschub usi hen mir die Marka gründet. Üsara endlosi Willa nid ufzgih und o biz üsari Sturheit hen üs dazua verholfa, das duri z zücha und so leiten mir ez mit groasser Lidaschaft üsers Unternehma.
Aber o gnüssa tumer gern... segs bimna Firobed-Bierli unter Kollega oder emna Schluck Wii amna Fest - o üsari gmüatlich Sita stoht mit Herzbluat hinder dera Marka.
Üsari Kreativität zeigt sich nid nu in üsarna Produkt, sondern o in dena unzähliga Reim, wo mir zur Uflockerig in üsaren Alltag ibauen. So wenn mir stets a Lächla und natürli o en blibenda Idruck bim Gegeüber uslöasa.
All dia Charaktereigeschafte stecken hinder üsarem Unternehma und die wenn mir mit üsarna Produkt verkörpera!
